Астанада Қазақстан Президенті Қ.-Ж.К. Тоқаев Астана және Қазақстан митрополиті Александрмен кездесті

2023 жылғы 19 маусым. Астана. Ақордада Қазақстан Республикасының Президенті Қасым-Жомарт Кемелұлы Тоқаев пен Қазақстан Православие Шіркеуінің басшысы Астана және Қазақстан митрополиті Александрдың кездесті.

Кездесу барысында Мемлекет басшысы Қазақстандағы Православие Шіркеуінің мемлекет пен конфессия арасындағы қарым-қатынасты нығайтуға, сондай-ақ рухани құндылықтар мен дінаралық диалогты ілгерілетуге елеулі үлес қосып келе жатқанын атап өтті.

Президент ортақ күш-жігердің нәтижесінде елімізде көптеген этнос өкілі мен түрлі дінді ұстанатын халықтар өзара тату өмір сүріп жатқанын тілге тиік етті. Осы тұрғыда Мемлекет басшысы Қазақстандағы Православие Шіркеуінің рухани қызметін қолдауда сындарлы өзара іс-қимылды қолдаудың маңыздылығына, сондай-ақ әлеуметтік және білім беру бағдарламаларын әзірлеу қажеттілігіне назар аударды. Өз кезегінде митрополит Александр Қазақстанның көркейту жолында бейбітшілік пен бірлікті нығайту ісін қолдайтынын жеткізді.

Әңгіме барысында митрополит Қ.-Ж.К. Тоқаевқа биыл республика аумағында ерекше канондық құрылым – Қазақстан Православ Шіркеуінің құрылғанына 20 жыл толатынын айтты. «Осыдан жиырма жыл бұрын болған бұл оқиға Ұлы дала кеңістігіндегі шіркеу өмірінің сан алуан қырларының дамуына жаңа серпін берді. Қазақстан Митрополиттік округі қызметінің негізгі бағыты туған өлкеміз – құтты Қазақстанның игілігі үшін шіркеу мекемелері, мемлекеттік құрылымдар, дәстүрлі конфессиялар мен қоғамдық бірлестіктер арасындағы өзара әрекеттесу мен ынтымақтастықты нығайту болған және болып қала береді», – деді архипастыр.

Православие діні республикадағы Ханафи мәзһабындағы исламнан кейінгі екінші үлкен және маңызды дін бола отырып, Қазақстан халқының бай тарихи және мәдени мұрасын сақтауға ықпал ететіні атап өтілді.

Мемлекет басшысы митрополит Александрдың апостолдарға теңестірілген Кирилл мен Мефодий Қазақстан Православие Шіркеуінің астаналық рухани, мәдени және әкімшілік орталығы – Успен кафедралық соборына және XX ғасырдың жаңа азап шегушілер мен тәубе етушілер мұражайына шақыруын қабыл алды.

Архипастыр Қасым-Жомарт Кемелұлына қазақ тілінде жарық көрген Матфейден Ізгі Хабар, Псалтирь, Соломонның Өсиет сөздері және дұға кітабын сыйға тартты.

Кездесуге Қазақстан Республикасы Президенті Әкімшілігі Басшысының орынбасары Аида Ғалымқызы Балаева қатысты.