Митрополит Александр Галич епархиясының делегациясымен кездесті

2023 жылғы 24 ақпан. Алматы. Митрополит Иосиф (Чернов) атындағы Қазақстан Митрополит округінің рухани, мәдени және әкімшілік орталығының алауошақ залында Астана және Қазақстан митрополиті Александр Галич және Макарьев епископы Алексиймен (Кострома митрополиясы) кездесті.

Галич епархиясының басшысы қасиетті Мәскеу және Бүкіл Русь Патриархы Кириллдің батасын алып, Қазақстан аумағына келген қасиетті жәдігерді алып келді, – Тақуа икона суретшісі Григорий Журавлев салған керемет кескін Иеміз Иса Мәсіхтің бейнесі.
Кездесуге қатысқандар: Митрополит округінің істері жөніндегі басшысы Қаскелең епископы Геннадий; Митрополит округінің ақпарат бөлімінің жетекшісі протоиерей Евгений Иванов, митрополиттің жеке хатшылығының жетекшісі иеромонах Прохор (Ендовицкий), Митрополит округінің басшысының әкімшілік хатшылығының меңгерушісі иерей Георгий Сидоров, митрополиттің хаттама қызметінің басшысы протодиакон Роман Головин; епископ Алексиймен бірге келген Галич қаласындағы Богоявленский кафедралды соборының клиригі диакон Александр Миронов және хатшылық басшысы Михаил Иванов.
Митрополит Александр қонаққа биыл ерекше дата – құрылғанына 20 жыл толып отырған Қазақстан Митрополит округінің тыныс-тіршілігіндегі оқиғалар туралы айтып берді. Мәртебелі меймандарды мерейтойға арналған ғылыми-танымдық және жастар іс-шараларының өткізілетіні туралы хабардар етті.
Митрополит архипастырға ғажайып аса қасиетті затты Оңтүстік астанаға әкелуге қатысқаны үшін жылы лебізін білдірді. Галич епархиясы мен Қазақстан Митрополит округі арасындағы қарым-қатынастарды дамыту жұмыстарын ескере отырып, митрополит Александр епископ Алексийді Қарағанды Әулие Севастиан орденімен марапаттады. Дұға ету естелігі ретінде Қасиетті Алексийге архиерейлік құрмет белгілерінің жиынтығы табысталды.
Епископ Алексий Алматыға жасаған сапарынан алған жайдары әсерімен бөлісті. Атап айтқанда, митрополит Вознесенский соборына, Әулие Владимир шіркеуіне, Никольский соборына, Иверско-Серафимовский әйелдер монастырының ауласындағы зиярат ету орталығына бару және қасиетті орындарға, соның ішінде Христос апостолдарының мүрдесі, XVII ғасырдағы Ең қасиетті Құдай Анасының ғажайып Тихвин бейнесі және Қазақстанның көктегі қамқоршыларының мүрдесі – Алматы және Қазақстан митрополиті Әулие Николайға табыну туралы айтты.
Шіркеудің айтулы мерекесіне қатысқаны үшін Митрополит округінің Басшысы владыка Алексиймен бірге жүрген Галич епархия басқармасының қызметкерлерін «Түркістан епархиясына 150 жыл» медальдарымен марапаттады.
Қонақтарға Митрополит округінің қолдауымен шығарылған Ә. Қастеев атындағы мұражай қорынан XVII-XIX ғасырлардағы ежелгі орыс өнерінің толық жинағының репродукцияларының эксклюзивті жобаланған каталогы, Вознесенский соборының тарихы мен қалпына келтіру туралы кітаптар; Митрополит округінің күнтізбелері және Ресейдің еңбек сіңірген өнер қайраткері О.Н. Овчинников жетекшілігімен Митрополит хорының жазбалары бар дискілер табысталды.