Қазақстан Православ Шіркеуінің Басшысы Астана қаласының әкімі Ж.М. Қасымбекпен кездесті

2023 жылғы 7 ақпан. Астана. Астана және Қазақстан митрополиті Александр қала әкімдігінде елорда әкімі Жеңіс Махмұдұлы Қасымбекпен кездесті.

Кездесуге Астана шіркеу округінің тәртіп қараушысы архимандрит Сергий (Карамышев) қатысты.

Қазақстан Православ Шіркеуінің басшысы мегаполистің атқарушы билігінің басшысына жыл сайын елорданың мыңдаған тұрғыны ұлты мен дініне қарамастан жиналатын Құдайдың пайда болу мерекесінде Есіл өзенінде дәстүрлі шомылдыру рәсімін ұйымдастыру және өткізуде қалалық қызметтердің көмегі үшін алғыс білдірді. Қос тарап ел Президенті Қасым-Жомарт Тоқаевтың «Православие – мемлекет ішіндегі болмысымыздың ажырамас бөлігі, ол ұлттық бірлікті нығайтуға, мәдениеттер мен дәстүрлердің алуан түрлілігінің байлығын сақтауға қызмет етеді» деген сөзін келтірді.

Сөйлесу барысында Астананың Республиканың саяси және экономикалық елордасы ретінде ғана емес, еліміздің басты рухани және мәдени орталығы және Қазақстанның тәуелсіздік жылдарындағы жетістіктерінің символы ретіндегі ерекше маңызы атап өтілді. Жиынға қатысушылардың айтуынша, қала бірнеше рет этносаралық қарым-қатынас пен түрлі діндер мен халықтар өкілдерінің ынтымақтастығы мәселелеріне арналған ауқымды форумдар өтетін орынға айналуы мегаполистің ерекше рөлін айғақтайды.

Митрополит округінің басшысы мен Жеңіс Қасымбек елорда өмірінің түрлі салаларын жаңғырту мен жетілдірудің Президент Қасым-Жомарт Тоқаевтың 31 қаңтарда өткен Астананы одан әрі дамыту жөніндегі кеңесте тапсырған өзекті міндеттерін талқылады. Елорда әкімі митрополит Александрмен мемлекет басшысының қаланың атқарушы билігі алдына қойған бірінші кезектегі міндеттері – экономиканы нығайту, инфрақұрылым мен әлеуметтік саланы, денсаулық сақтау мен білім беру жүйелерін дамытуды шешу жоспарларымен бөлісті.

Архипастыр Жеңіс Махмұдұлына Астана епархиясының және елордалық тәртіп қараушылары округінің өмірі туралы айтып берді, мұнда 7 шіркеу (3-еуі елордада және 4-еуі жақын маңдағы елдімекендерде), «Адасқандарды іздеу» Құдай Анасы иконасының құрметіне арналған 1 әйелдер монастыры және апостолтеңдес Кирилл мен Мефодий атындағы Қазақстан Митрополит округінің рухани, мәдени және әкімшілік орталығы бар.

Әңгіме барысында Митрополит округінің Астана епархиясы мен Астана қаласы әкімшілігінің өзара қарым-қатынас жолдары қарастырылды.

Жиынның маңызды тақырыптарының бірі – мегаполисте Қазақстан жерінде нұры төгілген барша әулиелердің құрметіне ғибадатханасы бар рухани-мәдени-ағарту орталығын Есіл шағын ауданында салу мәселесін талқыланды. Иерарх бұл жобаның Мәскеу және Бүкіл Русь Қасиетті Патриархы Кириллдің батасын алып, мемлекет басшысының мақұлдауын алғанын атап өтті. Еліміздің астанасында құрылған оқу орталығы мен православ шіркеуі республикадағы ең ірі орталық мешіттің жаңадан салынған кешенімен бір қатарда болып, Қазақстан халқының рухани күш-қуатының, бірлігі мен тарихи-мәдени мұраларына адалдығының көрнекі көрінісіне айналатыны айтылды.

Митрополит Александр Жеңіс Махмұдұлын Успен кафедралды соборы мен апостолтеңдес Кирилл мен Мефодий атындағы рухани-мәдени орталыққа баруға шақырды. Митрополиттің айтуынша, рухани-мәдени орталықта орналасқан Қазақстанның жаңа азап шегушілер мен тәубе етушілер мұражайы діні мен ұлтына қарамастан барша қазақстандықтарды ерекше қызықтырады.

Жолдастық көңіл күйде өткен кездесу соңында тараптар деннің саулығы және алдағы жұмыстарына табыс тіледі.